MUNTU YI NANI ?

MUNTU YI MUANA NE KONGO.

Muntu yi nani?
MVUTU:

Muntu yi NDEKELA MPEVE( Ntimbu n'timbu= fagulha)ya Tata Nzambi,yakulumuka ye kuiza vuata nitu vava ntoto. Muntu i mpeve,muela,ye nitu.

Tata Nzambi yi mpeve. Muntu diaka mpeve yena. Yidina muntu mpe wena nzambi, Nzambi ya fioti, muana nzambi fuete kula mu mpeve.

Nitu yi fuanga, kansi mpeve ye muela ka bifuanga ko. Muela i mvuatu mpeve, kansi nitu yi mvuatu wa muela.

Tata nzambi wena tatu(3): Zola , Ngangu, ye Lendo. Muntu mpe wena tatu(3): Mpeve, muela , ye nitu. Kadi Tata nzambi wavanga muntu mu kifuani kiandi.
Muntu wavangua mukifuani kia S' andi diena ku zulu. Mpeve ye lendo, zola ye muela, ngangu ye nitu.

Mu Muntu , ne kongo Lesa watula mansueki ma mpeve. Ne kongo kalunga watula mansueki ma muela, kansi ne kongo muhangi (nzambi'a mbumba) watula mu muntu mansueki ma nitu.
Muntu yi muana ne Kongo, muana Tata Nzambi
Tata nzambi i mpeve yasema kongo dia mbumba.Mpeve ya muntu yi mu tata nzambi yatuka. Idina muntu yi muana tata nzambi , muana ne kongo.
Ki muana nzambi kia muntu kiena kia mbutuka, kia mbutukila. Ka kia kituka ko mu diambu dia minu ye lukuikilu(fé) mu na mbadio YESU( jesus) ko, ka kia sumba mu mabundu ko, ye ka nsamu'a menga ma ntumua ya vondua mpe ko.

Kadi kimuana nzambi kieto yi nsamu' a MOYO wa tuka mu Tata nzambi, ye wayiza vuata nitu zeto ye vananga zo moyo.
Mpeve za bantu yeza Bisimbi yi mu Tata nzambi zatuka . idina bantu ye bisimbi bena bau babo bana ba Tata nzambi, Bana ba Ne Kongo.

Moyo wa Tata nzambi' a Mpungu wena mu bisimbi, mu bakulu, mu bibulu, mu minti, mu matadi, mu ngue Ntangu, ye mu mbuetete za mpila mu mpila za luyalungunu lua kongo dia mbumba.
Yidina Tata nzambi a mpungu yi Ne kongo kalunga walungila mu babo ye biabio.

Keti minti, ntoto ye matadi wa biwange?

Situa longa diaka....>>
Yenge kieno !

Boa leitura.

Por: Kuafuidiko Kiasisua Kuki                                     Facebook: Grupo Kongo