LEMBI TONA YI M'TANTU A NTETE A AFRICA

Ngindu za lumbu: O NTANTU A NTETE WA AFILIKA YI LEMBI TONA.

Tufuete zaya vo:

VO NGEYE OZOLANGA OZAYA NANI OLENDA SOBA EZINGU KIAKU. WIDI TALA MUNA PELO/TALA-TALA.

Vo yitadidi muna pelo kimonanga Nzambi ko.

Vo yitadidi muna pelo kimonanga Yisu ko.

Vo yiditadidi muna pelo kimonanga mbeni yovo ndoki ko.

Vo yiditadidi muna pelo kimonanga muntu a nkaka ko.

Kansi vo yiditadidi o mu pelo zizikiame kuandi monanga.

OWAWU;

Nki kina vo konso diambu tufuete mona yo vana etumbu kua wantu a nkaka vo yawu yi ndoki kia zingu yeto.

Muna lembi kudi tona,tulombanga fuku muini kua Nzambi katusadisa mu mpasi tuna zawu.

Muna lembi kudi tona,tuna vingila oyisu mpasi keza kutuvuluza yo kutu nata kuna mbanza velela kuna kua kondua e mpasi.

KIADI YE NTANTU MUNA MONA VO:

- Aweyi dina vo,tuna tualeka vana ntandu a yi nvuama kansi tuna dila ye mpasi.

- Aweyi dina vo tuna yo ntoto a mbongo muna mpatilu kansi e nsaku a loso ye dia nkunkaka kufuete tuka ku Europa yovo ku Asia.

- Aweyi dina vo, tuna ye nkoko,ye bu kansi e mbizi za maza zifuete tuka ku Europa yovo ku Asia.

- Aweyi dina vo tuna ye nkoko mia yingi kansi ketuna yo maza muzi nzo zeto ko.

- Aweyi dina vo, tuna ye mini e ntangu zawonsono kansi ketuna ye minda muzi nzo zeto ko.

- Aweyi dina vo,tuna vayikisa e pitiloya o kunsieto kansi ketuna ye pitiloya muna tukuenda sumbilanga ko.

- Aweyi dina vo tuna yo ntoto a mbongo,kansi tuna sumba o ntoto akunina e mbongo wutukanga oku Europa ye Asia muna toma kolesa e mpatu zetu.

- Aweyi dina vo,tuna ye nkadilu zeto,endilu zeto,e ki Nzambi kieto kansi nkadilu,ndilu ye ki Nzambi kiangani kaka tulungalelanga.

- Aweyi dina vo,tuna ye ndinga zeto,kansi ndinga zangani kaka tulungalelanga ovova.

- Yo mankaka diaka.......

TUDI NUANINA YO KUDITONA, TUDI TALA MUNA PELO YETO TUINA YI NTU MUNA VANA E NVUTU MUNA MAWONSONO TUMUENANGA E MPASI.

Aweyi lumuene e ngindu zame?

Mono Gindudi/Muntu: Tuzolana Cia

Ubuntu